Wednesday, June 17, 2009
නැගෙනහිර වි. විද්‍යාලයේ තවත් ශිෂ්‍යාවක් සියදිවි නසා
නැගෙනහිර වි. විද්‍යාලයේ තවත් ශිෂ්‍යාවක් සියදිවි නසාගෙන කියලා ඊයේ වාර්තා වුණා. ක්ෂණික පිළිතුරක් ලබා දුන් උපකුලපති වරයා පවසා සිටියේ ඇය මානසික රෝගයකින් පෙළෙන්නියක් බවයි. පසුව දැනගත් ආකාරයට ඇය පුදුකුඩියිරුප්පු ප‍්‍රදේශයේ පදිංචි කාරියක්. ගැටළුව පැහැදිලිය. තමන්ගේ ප‍්‍රදේශයේ සිටින දෙමාපියන්, නෑදෑ පිරිස ,සොයුරු සොයුරියන් සියළු සැපසම්පත් සහිතව වාසය කරන බවට ඇයට ඒත්තු ගොස් තිබෙන්නට ද ඇති. මන්ද ත‍්‍රස්තවාදීන්ට පමණක් වදින සමූහ නාශක අවි රැගත් බෝසත් රණවිරු පුතාලා වගේම සියයට 100ක් හරියට ගුවන් ප‍්‍රහාර වලට සමත් අපේ ගුවන් හමුදා පුතාලා ඒ පැත්තෙ කැරකෙන බව ඇයට ආරංච් වෙන්නට ඇත. තමන් සිහිනෙකින් වත් නොසිතූ සැප සම්පත් ළගා වන හෙයින් එය දරා ගත නොහැකිව ඇය උමතු වන්නට ද ඇත. තමන් ව වව්නියාවේ Concentration Camp ගාල් කිරීමට සූදානම් වන නිසාදෝ පස්වනක් පී‍්‍රතියෙන් පිනා ගොස් මතු මතු භවයේ දී මේ පොළොවෙම ඉපදීමට පැතුම් පතා ඇය තමන් ගේ ඇගට භූමිතෙල් වක්කරගෙන ගිනිතියාගෙන ඇත. මෙසේ හොදින් කරුණු පෙළ ගැසුණු නිසා මේ සිදුවීම පිළිබද කරුණු නොදැනෙන සේ සිටීමට අපිට හැකිය. එය කප්පම් ගැනීමට මරා දැමුණු වර්ෂා හෝ රුබෙල්ලා එන්නත විසවීමෙන් මිය ගිය දැරිය සිද්ධිය වැනි දකුණේ ආතල් කඩන සිදුවීමක් නොවුනේ එහි පසුපස වන සිදුවීම වඩා ඛේදජනක බව යටිහිත කියන නිසාය, එයට අපද වගකිව යුතු බව දන්නා නිසාය.සුනාමියක් එනවා යැයි පැතිරගිය කටකතාවකට කිහිපදෙනෙකුටම හෘදයාබාධ හැදිනි. තවත් කිහිපදෙනෙක් තෙරපිලා මිය ගියහ. ඒ අනෙකාට පෙර පණබේරා ගැනීමට දියයාමෙනි. එහෙත් උතුරේ තමන් මෙන්ම ලේ මස් නහර වලින් සැදුම් ලත් පිරිසකට දිනපතා සමූහ නාශක බෝම්බ, පොකුරු බෝම්බ, එක පිට එක මල්ටි බැරල් එල්ලවන විට අවසංවේදී වී සිටීමට මේ නරුම ජනතාවට හැකිව ඇත. එය වෛරයට වඩා නරුම කමයි. සමහරෙකුට ඒවා හමුදාවෙන් සිදු නොවන දෑය. සිදුවුවත් අත්වැරදීමකිනි. එම නිසා 2800ක් සාමාන්‍ය ජනතාව මිය යෑමේ ත‍්‍රස්තවාදි කුමන්ත‍්‍රනකි. කුඩා කළ සිටම ළිං ගෙඹි පුරුද්ද නිසාවෙන් එම ජාතකයම විශ්වාස කරනවා හැරුණු කොට අන්තර්ජාලයෙන් ලෝකෙ විවෘත කර තිබුණද ළිං ගෙඹි සංස්කෘතිය අත් නොහරිති. එහෙත් ඇමරිකාවේ ඉරාක ආක්‍රමනයේදී සාමාන්‍ය ජනයා ලක්ෂ 6ක් මිය ගිය බව පිළිගනී.අහඹු ලෙස පත්තුවෙන රතිඤ්ඤා හඩ කට ද බිය වන අපේ ඇත්තන්ට සිදු විය යුතු හොදම දිට්ඨ ධම්ම වේදනීය විපාකය නම් විහිළුවට හෝ ඉන්දියාවට කියා මල්ටිබැරල් කිහිපයකින් දකුණේ සිටින දේශප්‍රෙමී ජනතාවට වෙඩි තැබීමය. (මැරෙන්න නොවේ, කකුළක් අතපයක් කැඩුනට කමක් නැත) ඉන්දීය ජෙට් යානයකින් බෝම්බ කිහිපයක් දෑමීමය. එවිට දකුණේ උන් පස්ස නොබලා දුවන හැටිත් කී දෙනෙකුන් පිස්සුවෙන් උමතු වේද යන්නත් දැකගත හැක.එවිට මේ සද්ද බද්ද පුරුදු ජනයා සිනා සීසී බලා සිටිනු ඇත.
Subscribe to:
Post Comments (Atom)
No comments:
Post a Comment