ගීතය සංස්කෘතික අංගයක් ලෙස ශී‍්‍ර ලාංකික ජන මනස තුල සැළකිය යුතු අවධානයක් යොමුකරවා ගැනීමට සමත්ව ඇත. මෙහි වන විශේෂත්වය නම් වඩා සෞන්දර්යාත්මක චින්තනයකට මුසුවෙමින් ඊට සරිලන ආකාරයේ රිද්මයක හා සුමියුරු සංගීත රටාවන් අනෙකුත් වින්දන මාධ්‍යයනට වඩා වෙනස් වූත් මනහර වූත් රසඥතා ආරක් මිනිස් මනසට හ`දුන්වා දීමයි. එසේ හෙයින් ආකෘතිවල වෙනස්කම් වලින් යුතු වුවද ගීත වින්දනය තව දුරටත් ව්‍යාප්ත වෙමින් පවතී.
ගීත රචනයකදී ගීත රචකයා විසින් නියෝජනය වනුයේ සමාජය තුල ස්ථාපිතය ඇත්තාවූ පොදුජන විඥානයයි. එසේත් නොමැතිනම් ගීතය තුළින් ඉස්මතුවන අදහස් පොදුජන මනස වෙත ද යම් බලපෑමක් සිදුකරනු ලබයි. එ් අනුව ගීතය හා ජනවිඥානය යන විචල්‍යන් අතර අනෝන්‍ය සබඳතාවක් ඇත.
ගීත රචනය සඳහා වස්තු බීජ සපයා ගැනීමේදී වඩා සුලබව භාවිතා කෙරෙන සුලබ වස්තු විෂයයන්, සුලබ උපමාවන් කිහිපයක් දක්නට හැක. ඉර, හඳ, යෞවන ප්‍රේමය, මව් ගුණය ඒ අතරින් කිහිපයකි. ඒ අතරින් ”කාන්තාව” යන වස්තු විෂයද අතිබහුල ලෙස ගීත සාහිත්‍ය තුල භාවිතා කර ඇත. එය විවිධාකාරයේ දෘෂ්ඨිකෝණයන් වලින් විග‍්‍රහ කොට ඇත. මේ සඳහා ඉතා ඈතට විහිදී ගිය ඉතිහාසයකට හිමිකම් කියන අතර මෑත කාලය තුල වුවද එකී සුලබ බව නොවෙනස්ව ඇත.
මෙම ලිපිය තුල මාගේ උත්සාහය වනුයේ ශී‍්‍ර ලාංකික මෑතකාලීන ගීතය තුලින් පැහැදිලි වන ස්ති‍්‍රයගේ භූමිකාව පිළිබඳව වන ආකල්පය හ`දුනා ගැනීමයි.
වචනය සහ වාක්‍ය සඳහා සෞන්දර්ය මුසු කොට ඊට සමාන්තර රිද්මයකට අනුව හැඩගැන්වෙන ගීතය තුල කාන්තාව යන භූමිකාව හ`දුනා ගැනෙනුයේ පිරිමියාට සාපේක්ෂවය. මිනිසාගේ සාහිත්‍යමය නිර්මාණයන් බිහිවීම පීතෘ මූලික සමාජ පසුබිමක සිදුවන නිසාදෝ බොහෝ විටෙක පිරිමියා යනු දැඩි, රළු, බලවත් චරිතයක් ලෙසත් කාන්තාව යනු බොළඳ, සුකුමාල, අහිංසක, සංවේදී මේ නිසාම බලයෙන් හීන අයෙකු ලෙස සාමාන්‍යකරණය කරයි.
බොළඳ ලියා සුකොමලියා - මාව දමා යන්න ගියා
තමන් වෙත අහිතක් සිදුකළද ස්ත‍්‍රිය කෙරෙහි වන ආකල්පය එසේමය. මෙකී ආකෘතිය නොයෙක් ආකාරයෙන් සෞන්දර්ය පිරිවරා ඉදිරිපත් වේ. එවන් විටෙක දෘඩ වූ බඹරා පිරිමියා වන විට සියුම් ලස්සන මල කාන්තාව බවට පත්වේ.
මලින් මලට පියඹලා - රොන් උරන්නේ නැහැ මෙමා
ඔබේ රුවට වස`ග වෙලානේ - රස මියුරු මේ සැන්දෑවේ
ආදරේ කියයි මෙසේ................
ගීත රචකයා තම අවිඥානික හැඟීම මනා ලෙස ඉදිරිපත් කරනු ලැබේ
බඹර පහස ලබන මලක්දෝ - බඹර සුවය සොයන මලක්දෝ
මෙම ගීත රචනයෙහි සෞන්දර්ය ඉවත් කළ හැකිද? එවිට ඉතිරිවන අර්ථය කුමක්ද? පිරිමියා සහ ගැහැණිය අතර වන බල සබඳතාව වටහා ගැනීමට මෙය පිටුවහලක් වනවා නිසැකය. සරලව ගතහොත් පිරිමියා ප‍්‍රබලයා සහ කාන්තාව දුබලයා වේ.
මෙවැනි වටපිටාවක් තුල කාන්තාව යනු ශක්තියෙන්, බලයෙන් සතු නොවන සුකුමාල, අහිංසක තැනැත්තියක් වන විට පුරුෂයා යනු කාන්තාවට අවශ්‍ය රැුකවරණය සලසන තැනැත්තා වේ. බල ව්‍යූහය තුල කාන්තාවට සාපේක්ෂව ඉතා ඉහළ බලයක් පුරුෂයා සතුකර ගනී.
මේ නිසා ස්වභාවික සිදුවන සත‍්‍රී පුරුෂ ආකර්ෂණය තුලදී ඇගේ ආදරය ලබා ගැනීමට බල ධූරාවලිය තේරුම් ගෙන තමන්ගේ බලයෙන් ශක්තියෙන් කාන්තාවට රැුකවරණය සැලැසනවා යැයි අල්ලස් දීමට ඉදිරිපත්වන්නෝ සිටිති.
මැණිකක් රකිනා නා රජිඳෙකු සේ
මම ඔබ නිරතුරු රකිමී..........
තමන් බලධූරාවලියේ පිරිමියාට වඩා පසුපස බව සිතනා කාන්තාවන් ද පිරිමියාට දෙවැනි වී ඔහුගේ සරණ පතා යති.
ඔබගේ සෙවණේ දැනෙන සහනේ - වේවා සදා වාසනාවන්
ඔබගේ සරණේ නොනිමි සෙනෙහේ - සසර සරණ තුරුම වාසනා
එකී සෙවණේ බැඳීමට සමහරුන් එක`ගවන්නේ තවත් කාර්යයන්ද ඉටුකර දෙන බව පවසමිනි.
නුග සෙවණක් සේ නුඹට සෙවණ සදන්නම් ළ`දුනි
ම`ද පවනක් සේ නුඹට සිසිල සදන්නම් ළ`දුනි
තම සරණ පතා පැමිණෙන ස්ත‍්‍රීන් වෙත ලොබ බැඳගත් පිරිමින් අන් පිරිමින් හා දැඩි තරඟයක නිරත වන්නේ සැබෑවටම ස්ති‍්‍රයට ඇති ආදරේ නිසාද නැතිනම් තමන් තුල ඇති ලෝබය නිසාද?
ඔබ තෙමෙයි කියා බයයි - වැසි වසියි සුළං තදයි
කුඩයට ඔරොත්තු නොදෙයි - සාරිය පිට මඩ ඉහෙයි
සළුපිළි සිරුරට ඇලෙයි - පිට මිනිස්සුන්ට පෙනෙයි
සඟවන්නෙමි ඔබ මගෙන් - දිව එන්නට මට හිතෙයි
අන් පිරිමියා සමඟ වන තරඟය තව තවත් උත්සන්න වෙයි. ඒ කෙතෙක්ද යත්, තමන්ගේ වස්තුව (භාණ්ඩය ?* තවත් කෙනෙකුට පෙන්වීමට වත් අකමැති වෙයි.
සඟවා ගනු මැන ඔබෙ රුව සොඳුරියෙ
අන් කිසිවෙකු ඔබ මුවමත ගැටෙතැයි මා හද බියෙවී
සැලී සැලී යයි...............
තවත් තර්ජනය උත්සන්න වූ විට තම ස්ති‍්‍රය ලෝකයෙන්ම හුදෙකලා කොට තැබීමට පවා පිරිමියාට සිත්වේ. ඒ එවිට පිරිමින් නොමැති නිසාත් තමන්ගේ වස්තුව තමන්ගෙන් සොරා ගැනීම යන සැකය ඉවත් වන නිසාත්ය.
මහ වන පියසක අඳුරු ගුහාවක
යම් දිනයෙක ඔබ සඟවා තබනෙම්
එකී තණ්හාවේ උපරිම ස්ථානයේදී තමන් විඳින රුව හිරු රැුසකට පවා විඳීම ඊර්ෂ්‍යා එළවෙන සුළු සිද්ධියක් වේ.
හිරුරැුස් බිඳකුදු ඔබෙ රුව දුටු සඳ
ඉරිසියාවෙන් පිරවෙයි මා හද
මේ ආකාරයෙන් ගැහැණිය පිරිමියාට අයිති වන ක‍්‍රියාදාමය ඇරඹේ. එය නීතිිය තුල, සංස්කෘතිය තුල, ආගම තුල ද කාලානුරූපීව ස්ථාපිත වේ. නමුත් ගීතය තුල බොහෝ දුරට සැබෑම මානුෂීය හැඟීම් ප‍්‍රකාශ වන නිසා එමඟින් සැබෑම සමාජ තත්ත්්වය හා යථා හැඟීම් ප‍්‍රකාශ කරනු ලබයි.
මේ ආකාරයට පිරිමියා විසින් ස්ත‍්‍රිය කෙරේ ආධිපත්‍ය පතුරුවාලීමට කරන උත්සාහයේ දී ස්ත‍්‍රිය සිදුකරනුයේ මිනිසුන් බොහෝ දෙනෙකු මෙන් මෙම ආධිපත්‍ය අභිබවා යාමකට වඩා එ් සඳහා අනුගත වීමයි. එනිසා ඇය තමන්ව ආධිපත්‍යයට ගැනීමට සුදුසු පිරිමියෙකු සොයයි. ඒ සඳහා තමන් කාන්තාවක ලෙස වන සුදුසුකම හ`ඩඟා කියයි.
ගාට ගාට ඇවිදින් ඇස් දෙක වහලා හිනාවෙන්න
ආදරේට කොනිත්තලා පෑල දොරෙන් පැන දුවන්න
?ට ?ට ඉහ ඉද්දර කොඳුර කොඳුර කවි කියන්න
පාට පාට පන්පැදුරේ මටත් ටිකක් ඉඩ තියන්න
එ්ත් සමඟම කාන්තාවන් අතරද තරඟයක් ඇති වන්නේ තමන්ට සරණ යාමට හොඳම පිරිමියා සොයා ගැනීම සඳහාය. මේ නිසා තමන් ලබන පිරිමියාට තමන් විසින් සිදුකරන ආවතේව කටයුතු හා තමන් සතු වන හැකියාවන් ඇය විසින් පවසනු ලබයි.
හාල් ගරන්නත් පුළුවන් වතුුර තියන්නත් පුළුවන්
ඇට්ටකුණා වෙන්නෙ නැතුව බතත් උයන්නම්
හොදි එ්දන්නත් පුළුවන් කූරුගාන්නත් පුළුවන්
අඩුගානේ කිරිහොද්දක් හදල තියන්නම්
තමන්ට පුරුෂාධිපත්‍ය සමාජය විසින් නියම කරන ලද කාර්යභාරය මේ අනුව අවිචාරවත්ව භාරගනු ලබයි. තමන්ට හිමි ස්ථානය සඳහා වන තරඟයට ඉල්ලූම්පත‍්‍රයට අදාළ සුදුසුකම් ප‍්‍රකාශ කිිරීමට ඇය කිසිවිටෙක මැලි නොවෙයි.
මල් හිටවන්නත් පුළුවන් - වල් ගලවන්නත් පුළුවන්
පහන් පැළක් වගේ ගෙපැල එළිය කරන්නම්
හොඳට අ`ඩන්නත් පුළුවන් - නාඩාම ඉන්නත් පුළුවන්
ටිකදොහකින් දරු පැටියෙක් තෑගි කරන්නම්
ලිංගික ඊර්ෂ්‍යාව යනු අතිශය දරුණු දෙයකි. තමන් සතු වස්තුවක් අන් කිසිවෙකු පළුද්දකට ලක් කළා යැයි සිතුනොත් හට ගන්නේ දැඩි වේදනාවකි.
පුංච් ද`ගකාරියේ විහ`ග ගීයෙන් ගැයූ
කිමද රණ තිසර ලියතඹර පෙති ගිලිහියේ
කවුරුන්ද මල් වයසේ මගේ යහන ගිනිබත් කළේ
මනමාලියේ
කාන්තාවකගේ පාරිශුද්ධත්වය ඇය අයිති වන පිරිමියා පමණක් නොව අනෙක් පවුලේ සාමාජිකයින් ද විමසිල්ලෙන් බලා සිටින්නකි.
සුදු පිරුවටයයි මංගල යහනයි ක`දුලින් තෙමණු එපා
ඔබේ නිදොස් බව ලොවට කියන්නම්
මට දොස් න`ගනු එපා
මෙකී ඉල්ලූම් පත‍්‍රයේ තිබෙන සුදුසුකම් ලැයිස්තුව ධනවාදී ක‍්‍රමය අප ආක‍්‍රමණය කිරීමට පෙර සකසුවූවකි. විශේෂයෙන්ම සුදුසුකම් ලැයිස්තුයට මූල්‍යමය සාධකය පැමිණෙනුයේ ධනවාදයේ ආක‍්‍රමණයත් සමඟය
මුදල් යනු මානුෂීය හැඟීමක් නොවන නිසාත් ගීත රචකයා බොහෝ දුරට සැබෑ මනුෂ්‍යත්වය තුලින් ආමන්ත‍්‍රණය කරන නිසාත් ධනවාදයේ ආධිපත්‍ය තුල වුවද මූල්‍යමය සාධකය බොහෝ දුරට ගීත රචනය තුලින් ඉදිරිපත් නොවේ. නමුත් මෙකී අර්බුදය ගීත සාහිත්‍ය තුල වෙනත් දෘෂ්ඨිකෝණයන් මඟින් ඉදිරිපත්ව ඇති ආකාරය දැකගත හැක.
දෑවැදි දෙන්නට රන්මසු පොදි නැති ගෙදරට බරවුණු බාල නෙඟ්
නුඹ ගෙනියන්නට ගමෙත් කෙනෙක් නෑ රටෙත් කෙනෙක් නෑ බාල නෙඟ්
මේ අතරතුරදී ප‍්‍රායොගික ජීවිතයේ දී කෙසේ වෙතත් ගීත නිර්මාණය තුලදී තම හෘද සාක්ෂිය තව දුරටත් පවතින හෙයින් ධනවාදී ක‍්‍රමයට එරෙහි වීමට එතරම් වෙහෙසක් අවශ්‍ය වන්නේ නැත.
රවුම් කඬේ ළ``ග හිටගෙන ඉ`දපන්
ඉවුම් පිහුම් ගැන නිතරම සිතමින්
දෑවැද්දත් අරගන්නෑ මම නම්
පෙරැුත්ත නැතිවම කරත්තේ නැ`ගපන්
ධනේෂ්වර ක‍්‍රමයේ ආගමනය එතෙක් පැවති සමාජ තත්ත්වයන් කෙරෙහි දැවැන්ත අභියෝගයකට ලක්කලා පමණක් නොව එය අනිවාර්යය වූවක් ද විය. එය සුභවාදී අසුභවාදීද යන්න වෙනමම සාකච්ඡුා කළ යුත්තකි. කෙසේ වුවද කාන්තාව පිළිබ`දව වන ප‍්‍රතිරූපය ධනවාදී සමාජයේ අභියෝගයට ලක්වීම පිරිමියා අතිශයින්ම කම්පනයට පත්කළ තත්ත්වයකි.
ශිල්ප සො`දින් දැන ගන්ට ගිහිං නුඹ යහතින්දෝ කොලොම්පුරේ
ඉන්න නොවේ මියැදෙන්න සිතයි මට නුඹ නැතිහන්දා මං තනිවේ
අකමැත්තෙන් වුවද සිට ජීවිකාව වෙනුවෙන් නගරයට ගොස් අධ්‍යාපනය ලැබීම හෝ රැුකියාවක් කිරීමට සිදුවේ. එකී වෙන්වීම පසුපස පුරුෂ ආධිපත්‍ය ගිලිහී යාමේ කම්පාවද දැක ගත හැක.
මෙවලම් මොකටද මෙතරම් පැළදුවේ සමනලියේ
උස්වැඩි පාවහන් යුගල යයි විසිවී ලොල්ලේ
මල් පෙත්තක පාට ගෑවේ ඇයි සියුමැලි දෙතොලේ
කොළඹ ගිහිං ඉගෙන ගත්තේ මේවද මගේ කෙල්ලේ
ධනවාදී සමාජය ස්තී‍්‍රපුරුෂ සීමාකම් නොසලකා නිදහස් තර`ගයට ආරාධනා කරයි. කාන්තා ලාභ ශ‍්‍රමයට ඉල්ලූම වැඩිය. එනිසා ගමේ කාන්තාව නගරයට විත් රැුකියාව සම`ගම සංස්කෘතියට හුරුවීම නිසැකයෙන්ම සිදුවේ. එය ගමේ පිරිමියා දකිනුයේ තමන්ට අභියෝගයක් ලෙසත් තමා ට ළ`ගා නොවිය හැකි දෙයක් ලෙසත්ය. මෙනිසා ඔහු තමන්ගේ විරෝධය දැඩිලෙස ප‍්‍රකාශ කරයි.
මේ අතර කාන්තා ආකර්ශනයේ ප‍්‍රධාන දේ බවට පත්වන්නේ ද මුදල්ය. එසේ මුදල් නොමැතිව කාන්තාව තමන් ට අහිමි වූ පිරිමින් බොහෝමයකි.
රන් මසු නෑ කියා
මා දිළි`දුයි කියා
කීවා ......
මට තව මතකයි ඒවා
කවුළු පියන් පත් වහන්න ස`දළු තලාවේ
ඔබ දුරයි නෙතට මා සිටිනා ළවැලි තලාවේ
මේ අතර පසු ධනවාදී සමාජය තුල කිසියම් වූ වෙනසක පෙරනිමිති ද දක්නට ඇත.
මදුරු කොයිල් පත්තු කරලා ඔබ ගාවින් තියන්නම්
එළිවෙනකම් නිදිමර මර මදුරුවෝ ටික තලන්නම්
පොල් කඩලා ගාලා දෙන්නම්
මම කියන වැඩක් කර දෙන්නම්
මොකද අඩු පාඩු මගේ....
සෞන්දර්ය සපයන්නා වූ වස්තු විෂයක් ලෙස කාන්තාව තරම් වන අන් දෙයක් නැති තරම්ය. එහෙත් ඇය සම්බන්ධයෙන් අප කෙතෙක් දුරට සංවේදී යන්න පැහැදිලි කරගැනීමට බස් රථයකට ගොඩවුවත් ප‍්‍රමාණවත්ය. ඇයට වි`දීමට සිදුවන සෘජු ප‍්‍රචණ්ඩත්වයන් අසීමිතව තිබෙන කළෙක, ඇයට මිනිසෙකු ලෙස අනිවාර්ය කොට ඇති දුක්ඛිත තත්ත්වයන් (සංස්කෘතික, ආගමික, ව්‍යූහයන් පිළිබ`දව අප කවදා සංවේදී වෙමුද.......@
Subscribe to:
Post Comments (Atom)
No comments:
Post a Comment